जब तिमी सानो हातले मेरो औंला समात्थ्यौ,
त्यस क्षणमा म बुवा मात्र होइन, नयाँ जीवनको अर्थ बनें।
तिमी रोयौ भने आकाश नै खस्यो जस्तो लाग्छ,
र तिमी हास्दा लाग्छ, सारा सृष्टि मुस्काइरहेछ।
तिमी हुर्किंदै छौ – एक बलियो र सुन्दर सपना जस्तै।
तिमीलाई हरेक चोटबाट जोगाउन मन लाग्छ,
तर बुझ्दछु, जीवन सिकाउन केही चोट पनि चाहिन्छ।
म तिमीलाई उचाइमा देख्न चाहन्छु –
जहाँ तिमी आफैंलाई गर्व गरिरहने छ्यौ।
तिमी मेरो गीत हौ – जसलाई शब्द चाहिँदैन,
तिमी मेरो कविता हौ – जसको हर पंक्ति हृदयबाट लेखिएको छ।
म तिमीलाई संसारका सबै रमाइला रङ देखाउन चाहन्छु,
र जब बादल लाग्छ, तिमी आफैं घाम बन्न जान्नुपर्छ भन्ने सिकाउन चाहन्छु।
छोरी, सधैं सम्झनू –
तिमीलाई माया गर्ने बुवा हरेक दिन तिमीमाथि गर्व गर्छ।
जसरी फूललाई माया गर्छ घाम,
त्यसरी म तिमीलाई माया गर्छु – शुद्ध, अटुट र अमर।
– तिमीलाई माया गर्ने बुवा, प्रविन मल्ल